জি আই এম টি, তেজপুৰত পাঁচদিনীয়া শিক্ষক বিকাশ কৰ্মশালাৰ সফল সামৰণি

0
5

প্ৰাগজ্যোতিষ বাৰ্তা, তেজপুৰ, ২৫ নবেম্বৰঃ তেজপুৰ ডেকাৰগাঁওস্থিত গিৰিজানন্দ চৌধুৰী ইনষ্টিটিউট অৱ মেনেজমেণ্ট এণ্ড টেকন’লজী চমুকৈ জি আই এম টি, তেজপুৰত ১৯ নৱেম্বৰ তাৰিখৰ পৰা ২৩ নৱেম্বৰ তাৰিখলৈ এখন পাঁচদিনীয়া ‘শিক্ষক বিকাশ কৰ্মশালা’ অনুস্থিত হৈ যায়।

‘নৱীকৰণযোগ্য শক্তিৰ ব্যৱহাৰ আৰু সম্ভাৱনীয়তা’ শীৰ্ষক মনোগ্ৰাহী কৰ্মশালাখন অসম বিজ্ঞান আৰু প্ৰযুক্তিবিদ্যা বিশ্ববিদ্যালয়ৰ সহযোগত তথা কাৰিকৰী শিক্ষাৰ মানদণ্ড উন্নয়ন আঁচনিৰ অধীনত অনুষ্ঠিত কৰা হৈছিল।

কৰ্মশালাৰ আৰম্ভণি দিনটোত সহকাৰী অধ্যাপিকা প্লাৱিতা বৰুৱাই আঁতধৰা অনুষ্ঠানটো বন্তি প্ৰজ্বলনেৰে শুভাৰম্ভণি কৰে মহাবিদ্যালয়ৰ অধ্যক্ষ ড° বুলজিৎ বুঢ়াগোহাঁয়ে।

উক্ত দিনা কৰ্মশালাখনৰ প্ৰথমগৰাকী সমল ব্যক্তি হিচাপে অংশগ্ৰহণ কৰে তেজপুৰ বিশ্ববিদ্যালয়ৰ শক্তি বিভাগৰ অধ্যাপক ড° ধনপতি ডেকাই।

দ্বিতীয় দিনটোত সমল ব্যক্তি হিচাপে উপস্থিত থাকে ভাৰতীয় প্ৰযুক্তিবিদ্যা প্ৰতিষ্ঠান, গুৱাহাটীৰ দেৱৰ্ষি বৰুৱা। ঠিক একেদৰে কৰ্মশালাৰ তৃতীয়, চতুৰ্থ, পঞ্চম দিনটোত তেজপুৰ বিশ্ববিদ্যালয়ৰ ড° বিৰাজ কুমাৰ কাকতি, ড° সাধন মহাপাত্ৰ আৰু ড° নৱীন শৰ্মাই সমলব্যক্তি হিচাপে অংশগ্ৰহণ কৰে।

জি আই এম টি, তেজপুৰৰ লগতে ৰাজ্যখনৰ বহুকেইখন শিক্ষানুষ্ঠানৰ শিক্ষক শিক্ষয়িত্ৰীয়ে অংশগ্ৰহণ কৰা কৰ্মশালাখনত সমলব্যক্তিসকলে নৱীকৰণযোগ্য শক্তিৰ ন ন প্ৰযুক্তিগত ব্যৱহাৰ, সংৰক্ষণ সম্পৰ্কত সাৰগৰ্ভ ভাষণ আগবঢ়ায়।

বক্তৃতাৰ লগতে প্ৰশ্নোত্তৰ শিতানেৰে কৰ্মশালাৰ কেওটাদিনৰ অনুষ্ঠান যথেষ্ট মনোগ্ৰাহী হৈ উঠে। শেষৰ দিনটোত কৰ্মশালাখনৰ আহ্বায়ক তথা জি আই এম টি, তেজপুৰৰ যান্ত্ৰিক অভিযান্ত্ৰিক বিভাগৰ সহকাৰী অধ্যাপক সৌৰভ নাথে সকলোকে ধন্যবাদ জনাই অনুষ্ঠানৰ সফল সামৰণি ঘোষণা কৰে।

Facebook Comments

LEAVE A REPLY

Please enter your comment!
Please enter your name here