গুৱাহাটীত কৃত্ৰিম বানৰ ফলত বিভিন্ন স্হানত বোকময় পৰিবেশঃ মন্ত্ৰী সিদ্ধাৰ্থ ভট্টাচাৰ্যৰ উপস্থিতিত পৌৰনিগমে চাফা কৰিলে গীতানগৰ- চানমাৰি পথ

0
114

প্ৰাগজ্যোতিষ বাৰ্তা, গুৱাহাটীৰ পৰা মনোজ ডেকা, ১১ জুলাইঃ বিগত কেইদিনমান ধৰি অভাবনীয় ভাবে বৰষুণৰ পৰিমান বৃদ্ধি পোৱাত মহানগৰীৰ কেইবাস্হানত বোকাময় পৰিবেশৰ সৃষ্টি হৈছে ৷

বিশেষকৈ গীতানগৰ , চানমাৰি, শিলপুখুৰীৰ অঞ্চলত পথত অধিক বোকা- পানীৰে উপচি পৰিছে ৷

যাৰ বাৰে পথচোৱাৰে গাড়ী- মটৰ অহাযোৱাত যঠেষ্ট অসুবিধাৰ সন্মুখীন হৈছে ৷

ইয়াৰ বাবেই গুৱাহাটী উন্নয়ন মন্ত্ৰী সিদ্ধাৰ্থ ভট্টাচাৰ্যই আজি গীতনগৰ , চানমাৰি, শিলপুখুৰী অঞ্চলত উপস্থিত হৈ প্ৰৰ্যবেক্ষণ কৰেে৷

 মন্ত্ৰী সিদ্ধাৰ্থ ভট্টাচাৰ্যৰ উপস্থিতিত পৌৰনিগমে গীতানগৰ- চানমাৰি পথসমুহ চাফ কৰা পৰিলক্ষিত হয় ৷

মন্ত্ৰী গৰাকীৰ লগত গুৱাহাটী পৌৰনিগমৰ আয়ুক্ত দেৱ্যজ্যেতি হাজৰিকা, মুখ্য অভিযন্তা দেৱজিত দাস, অতিৰিক্ত আয়ুক্ত দ্বীজেন্দ্ৰ সিং, অ’ এছ’ ডি নাৰায়ণ আগৰৱাল উপস্থিত থাকে ৷

এইক্ষেত্ৰত মন্ত্ৰী সিদ্ধাৰ্থ ভট্টাচাৰ্যই কয় যে আগৰ বছৰসমূহতকৈ চলিত বৰ্ষত বৰষুণৰ পৰিমান যঠেষ্ট বৃদ্ধি পাইছে ৷

এচাম পাহাৰত বসবাস কৰা মানুহে কিছু মাটি কাটি বাৰিষালৈ দম কৰি ৰাখে ৷

বাৰিষা অহাৰ লগে লগে মাটিসমূূহ পানীৰ সোঁতত তললৈ নামি আহি পথবোৰ আবদ্ধ হৈ পাৰে ৷

যাৰ বাবেই পথসমূহত বোকাময় পৰিবেশৰ সৃষ্টি হয় ৷ ইয়াৰ বাবেই পাহৰত বসাবস কৰা সমূহ জনসাধাৰণক পাহৰৰ মাটি নাকাটিবলৈ অনুৰোধ জনায় ৷৷

Facebook Comments

LEAVE A REPLY

Please enter your comment!
Please enter your name here